Անշարժ գույք Թասոս կղզում՝ տների, բնակարանների, վիլլաների ու քոթեջների վաճառք և վարձակալություն:
Կավալա նավահանգստից լաստանավով արագ (ընդամենը 30րոպեում ) կարելի է հասնել Թասոս կղզի՝ Էգեյան ծովի ամենահյուսիսային կղզին: Թասոսը երիտասարդների կողմից սիրված հունական կղզի է՝շրջապատված պարզ երկնագույն Էգեյան ծովով:Այն գտնվում է Սալոնիկ քաղաքից 220 կմ հեռավորության վրա:
Հենց այստեղ Դուք կգնեք տուն խաղաղ հանգստի համար: Թասոսը հայտնի է իր լողափերով, որոնք նշված են ԵՄ «Երկնագույնդրոշներով» իրենց մաքրության և անվտանգության համար, ունի կանաչապատ ժայռեր և բլուրներ. այս ամենը դարձնում է անշարժ գույքի ձեռքբերումը Թասոս կղզում կապիտալի շահավետ ներդրում:
Թասոսն անվանում են «զմրուխտե» կղզի: Այն ծածկված է սոճու, եղևնու, կաղնու և սպիտակ թխկիի սաղարթախիտ անտառներով, որոնք ամբողջ մերձափնյա գծով միախառնվում են ձիթապտղի պուրակներին:
Ձեռք բերելով անշարժ գույք Թասոս կղզում՝ Դուք կկարողանաք հեշտորեն համատեղել լողափնյա հանգիստն ու էքսկուրսիաները: Կղզին ունի հարուստ պատմություն և բազմաթիվ հնագիտական հուշարձաններ:
Անպայման էքսկուրսիա կատարեք Ապոլոնի տաճար և Դիոնիսի սրբավայր:
Այստեղ անշարժ գույքի գնման կարևոր հանգամանքներից մեկն այն է, որ սա միակ կղզին է, որ բավականին մոտ է գտնվում
մայրցամաքային Հունաստանին, ինչը Ձեզ հնարավորություն կտա այցելել Հյուսիսային Հունաստանի բազմաթիվ այլ, ոչ պակաս
հետաքրքիր հնագիտական հուշարձաններ, ինչպես նաև հեշտորեն հասնել Սալոնիկ քաղաքի օդանավակայան:
Իսկապես, Թասոս կղզի հասնելը բավականին հեշտ է. ընդհամենը երկու-երեք ժամվա թռիչք հարմարավետ ինքնաթիռով Հայաստանից դեպի հիասքանչ Սալոնիկ քաղաք: Սալոնիկից մի քանի ժամվա ընթացքում Դուք կհասնեք Կավալա քաղաք, իսկ այնտեղից էլ լաստանավով Թասոս կղզում գտնվող Ձեր հարմարավետ բնակարան:
Թասոս կղզում անշարժ գույք ձեռք բերելու առավելությունը հանդիսանում է սեզոնի երկարատևությունը: Ապրիլ ամսվա կեսերից արդեն կղզում փայլում է վառ արևը, և լողափնյա սեզոնը շարունակ վում է մինչև նոյեմբեր ամսվա կեսը: Կլիման Թասոս կղզում բարեխառն է՝ տաք ձմեռ և համեմատաբար զով ամառ: Օդի ջերմաստիճանը ամռանը միջինում + 30 C աստիճան է, ձմռանը՝ հազվագյուտ նվազում է մինչև + 14 Cաստիճան:
Կղզում կան բազմաթիվ չքնաղ գյուղակներ. «Լիմենաս» (կղզու մայրաքաղաքը), «Փոքր և Մեծ Կազավիտի» (շատ գեղատեսիլ գյուղակներ), «Կալիրախի» (գտնվում է սարալանջի վրա), «Լիմենարիա» (զարգացած տուրիստական ենթակառուց վածքներով գյուղակ), «Պոտոս» (Թասոս կղզու հայտնի երիտասարդական կուրորտ): Այստեղ ժամանակը կարծես թե կանգ է առել. շատ գյուղակներում հյուրընկալ բնակիչները մինչ այժմ պահպանում և մեծարում են հին ժամանակների ավանդույթները:
Անկախ այն փաստից, թե Դուք Թասոսի որ գյուղակը կնախընտրեք անշարժ գույքի գնման կամ շինարարության համար, Դուք հեշտորեն կկարողանաք այցելել կղզու բոլոր շրջանները: Շրջապտույտ ճանապարհը միացնում է գեղատեսիլ ծովափնյա գյուղակները և տարատեսակ զվարճանքի կենտրոնները, բարերը, ակումբներն ու մեկուսացված հանգիստ լողափերը: Կղզու վրա կան միջնադարին նվիրված բազմաթիվ հուշարձաններ, տաճարներ և եկեղեցիներ, հնագույն հուշարձանների ավերակներ:
Ձեռք բերելով անշարժ գույք Թասոս կղզում՝ Դուք կկարողանաք ուսումնասիրել այս չքնաղ կղզին և բացահայտել անթիվ վայրեր՝ հիանալով և վայելելով կղզու աննման գեղեցկությունը: