3D մոդելավորում և արտապատկերում
Ժամանակակից տեխնոլոգիաների զարգացումը թույլ է տվել դարձնել շինարարական հարթակների նախագծման գործընթացը պակաս ծախսատար և ավելի արագ: Բայց նույնիսկ շատ ճշգրիտ գծագիրը հնարավորություն չի տալիս ստույգ ներկայացնել այն, ինչ Դուք կտեսնեք էկրանի վրա եռաչափ գրաֆիկայի օգտագործմամբ ապագա շենքի ցուցադրման ժամանակ:
Հասկանալու համար, թե Ձեր համար մշակված ճարտարապետական նախագիծն ինչքանով է համապատասխանում Ձեր գաղափարներին և պահանջներին, օբյեկտն անհրաժեշտ է տեսնել դեռևս մինչև այն իրականացնելը: Համակարգչային 3D արտապատկերումը թույլ է տալիս բարձրացնել նախագծի նախնական մոդելների որակն ու պատկերացման ճշգրտությունը. Դուք կկարողանաք հանգամանորեն դիտել օբյեկտը և տալ օբյեկտիվ գնահատական: Դա կօգնի թույլ չտալ հնարավոր սխալներ և թերություններ. շատ ավելի հեշտ է շտկել եռաչափ մոդելը, քան արդեն կառուցված շենքը:
Պրոֆեսիոնալ կերպով պատրաստված մոդելը երաշխավորում է տան նախագծի որակն ու արդյունավետ իրականացումը: Նորագույն գրաֆիկական ծրագրերը թույլ կտան մոդելավորել Ձեր ապագա բնակարանը ամենայն մանրամասնությամբ՝ հնարավորություն տալով հաշվի առնել շինարարական նյութերի առանձնահատկություններն ու նախագծի անհատականությունը:
Տան 3D մոդելը մշակվում է նախագծի էսքիզի վերջնական համաձայնեցումից հետո՝ տեղագրական նախագծից վերցված իրական բարձրության նիշերով, կառուցվում է ռելիեֆը, ձևավորվում է հողամասի գլխավոր հատակագիծը՝ հաշվի առնելով ուղղահայաց նախագծումը: Այս փուլում կարելի է դիտարկել տունը բացարձակապես ցանկացած տեսանկյունից առանց սահմանափակումների և ստանալ լիարժեք պատկերացում ճարտարապետության մասին: Այնուհետև ձեռնամուխ ենք լինում վերջնական արտապատկերմանը. դրվում են տեքստուրաները, դասավորվում են լույսի օբյեկտները, բուսականություն, էքստերիերի առարկաները, մարդկանց պատկերները, տրանսպորտային միջոցները և այլն: 3D գրաֆիկայի միջոցով կարելի է տեսնել թե ինչպիսի տեսք կունենա կոնկրետ նյութը կամ առարկան ինտերիերում կամ էքստերիերում, և գնահատել բոլոր դրական և բացասական կողմերը նախքան շինարարության կամ վերանորոգման սկիզբը: Ապագա շինությունը պատվիրատուին է ներկայանում բոլոր կողմերից և ռակուրսներից, դրա յուրաքանչյուր տարր կարելի է դիտարկել ցանկացած անկյան տակ, տեսնել ամեն ինչ ներսից և դրսից, ցերեկային և գիշերային լուսավորության ներքո:
3D արտապատկերման նորագույն ծրագրերի անսահման հնարավորությունների շնորհիվ մենք ստեղծում ենք Ձեր ապագա տան ոչ միայն որակյալ և իրականությանը համապատասխան պատկերները, այլ նաև տեսահոլովակներ՝ անիմացիոն էֆեկտներով, ձայներով, զանազան եղանակային պայմաններով և առավելագույն մանրամասն և արդյունավետ ներկայացման տարբեր եղանակներով:
