Անհատական և տիպային նախագծեր

Անհատական և տիպային նախագծեր

Անհատական նախագծեր
Եթե Դուք որոշել եք սեփական տուն կառուցել, ապա լիովին բնական կլինի ցանկությունը, որ Ձեր տունը լինի միակն ու անկրկնելին: Այս դեպքում ամենից լավ է ընտրել շինարարությունն անհատական նախագծով:

Տան անհատական նախագիծ. դա նախագիծ է, որը մշակված է՝ հաշվի առնելով կոնկրետ պատվիրատուի ցանկություններն ու շինարարական հարթակի առանձնահատկությունները: Սա առանձնահատուկ տուն ստեղծելու հիանալի հնարավորություն է, որը կտարբերվի իր ձևով և տարածքների օրիգինալ հավաքակազմով:

Նախքան այս ամենը կյանքի կոչելը, ճարտարապետները պատվիրատուի հետ մանրամասն քննարկում են բոլոր հանգամանքներն ու առանձնահատկությունները, կանոնակարգում են գործողությունները, առաջարկում են իրենց տարբերակները: Հաշվի է առնվում ամեն ինչ՝ ընտանիքի կազմն ու կարիքները, տան օգտագործման կարգը (մշտական կամ սեզոնային բնակության համար), հողատարածքի կոնկրետ կլիմայական, տեղագրական և երկրաբանական պայմանները, հողի և ռելիեֆի առանձնահատկությունները: Զգալի կարևորություն է տրվում նաև տան անմիջական տեղակայվածությանը՝ լուսավորության կողմերը, այլ շինությունների և ծառերի առկայությունը, պատուհանից բացվող տեսարանը, հողատարածքի հետագա բարեկարգումը և շատ այլ բաներ:
Այսպիսով, պատվիրելով տան նախագիծ մեր ընկերությունում, Դուք կարող եք ստանալ Ձեր պահանջներին, երևակայությանն ու ֆինանսական հնարավորություններին համապատասխանող նախագիծ:

Մենք Ձեզ կօգնենք կյանքի կոչել հարմարավետ, բազմաֆունկցիոնալ և ժամանակակից տան մասին Ձեր երազանքը: Դրանում է կայանում անհատական նախագծման հիմնական տարբերությունն ու առավելությունը տիպային նախագծերի օգտագործումից:


Տիպային նախագծեր
Տան տիպային նախագիծ. դա արդեն պատրաստի նախագիծ է, որում մշակվել և հաշվի են առնվել տարբեր տարածաշրջանների շինարարական միտումներն ու նախագծման պահանջները: Տիպային նախագծերն իրենց մեջ ընդգրկում են ռացիոնալ լուծումներ, որոնք բազմիցս իրագործվել են և փորձարկվել են ժամանակի կողմից:

Բոլոր նախագծերն ամբողջությամբ համապատասխանում են նախագծման և շինարարության մեջ գործող նորմատիվ իրավական ակտերին: Դրանցից յուրաքանչյուրը կարող է հարմարեցվել շինարարության կոնկրետ տարածաշրջանին և հողատարածքի պայմաններին: Առաջին հերթին դա վերաբերում է տան հիմքերին, որի նախագիծը պետք է հաշվի առնի հողատարածքի վրա գոյություն ունեցող հողերն ու երկրաբանական պայմաններն ընդհանուր առմամբ:

Դուք կարող եք կատարել որոշակի ոչ էական փոփոխություններ տիպային նախագծի ներքին պլանավորման մեջ, փոխել ճակատային մասերը, նյութերն ու գունային լուծումները:

Grekodom Development ընկերության մասնագետները ցուցաբերում են անհատական մոտեցում յուրաքանչյուր նախագծին. մեր ընկերության աշխատակիցների թիմի համակարգված աշխատանքի շնորհիվ Ձեր տունը կհամապատասխանի Ձեր բոլոր պահանջներին և ցանկություններին՝ լինելով որակի ստանդարտների ամենաբարձր պահանջների շրջանակներում:

Ձեր ուշադրությանն ենք ներկայացնում Grekodom Development ընկերության կողմից իրականացված որոշ պատրաստի նախագծեր, որոնցով կարող եք կողմնորոշվել Ձեր սեփական տան նախագծման ժամանակ: Հնարավոր են շինության նյութերի և նախագծային որոշումների որոշակի փոփոխություններ: Առավել մանրամասն տեղեկությունների և խորհրդատվությունների համար խնդրում ենք դիմել մեր ընկերություն:

Կոդ 145
Տունը բաղկացած է երկու հարկերից, 157 մ2 ընդհանուր մակերեսով:
Առաջին հարկում գտնվում են խոհանոցը, ճաշասենյակը, հյուրասենյակը, սանհանգույցը, ինչպես նաև ավտոտնակը: Երկրորդ հարկում գտնվում են երկու ննջասենյակներ՝ սանհանգույցով և հիմնական ննջասենյակ՝ առաձին սանհանգույցով: Բոլոր ննջասենյակներն ունեն ելք դեպի պատշգամբ:
Առաջին հարկի տարածությունը ֆունկցիոնալ բաժանված է խոհանոցի, ճաշասենյակի և հյուրասենյակի գոտիների:
Տանը ճարտարապետական արտահայտչություն է հաղորդում պատերի հարդարանքի ցայտուն քարն ու փայտե կոնստրուկցիաների առատությունը և վիթխարի սյուները: Նմանատիպ նյութերը դարձնում են տունը հուսալի և երկարակյաց:
Դիտել 1-ին հարկի հատակագիծը
Դիտել 2-րդ հարկ հատակագիծը ի հատակագիծը


Կոդ 148


Տունը բաղկացած է կիսանկուղային և երկու վերգետնյա հարկերից, 309 մ2 ընդհանուր մակերեսով:
Առաջին հարկի ընդհանուր տարածությունը կազմում են են խոհահոցը, ճաշասենյակն ու հյուրասենյակը, որն ունի ելք դեպի տերասսա, բացի այդ, առկա է նաև հյուրերի ննջասենյակ, սանհանգույց և հոլլ:
Երկրորդ հարկում գտնվում են երկու ննջասենյակներ, սանհանգույց, ընդհանուր հանդերձարան և հիմնական ննջասենյակ՝ առանձին սանհանգույցով: Երեք ննջասենյակներն էլ ունեն ելք դեպի ընդհանուր պատշգամբ:
Կիսանկուղային հարկն իր մեջ ներառում է ավտոտնակ, առանձնացված մուտքով կաթսայատուն, սանհանգույց և ընդհանուր տարածք, որը կարող է օգտագործվել որպես օրինակ՝ բիլյարդի սենյակ, շոգեբաղնիք կամ մարզասրահ:
Դիտել 1-ին հարկի հատակագիծը
Դիտել 2-րդ հարկի հատակագիծը
Դիտել կիսանկուղային հարկի հատակագիծը


Կոդ 137
Տունը բաղկացած է առաջին և նկուղային հարկերից, 294 մ2 ընդհանուր մակերեսով՝ ներառյալ պատերը:
Առաջին հարկում գտնվում են խոհանոցը, հյուրասենյակը, սանհանգույցը, երկու ննջասենյակներ՝ առանձին սանհանգույցներով և զգեստապահարաններով: Նկուղային հարկում գտնվում են խոհանոցը, հյուրասենյակը, կաթսայատունը, սանհանգույցը, ընդհարձակ պահեստային տարածք, ննջասենյակ՝ առանձին զգեստապահարանով և սանհանգույցով: Տունն ունի մի քանի ելքեր դեպի պերգոլայով մասնակիորեն ծածկված ընդհարձակ տերասսա:
Տան առաջին հարկի պատերը կառուցված են փայտից ՝քառակող գերաններից, որոնք ունեն բնափայտի հայտնի հատկությունները՝ բնական ջերմակարգավորում, գերազանց ջերմամեկուսիչ հատկություններ և անվնաս են շրջակա միջավայրի համար:
Տանը ճարտարապետական արտահայտչություն են հաղորդում փայտե ռելեֆը ու տան ծավալի տարբեր բարձրությունները՝ վերածածկված կղմինդրե թեք կտուրով: Ինտերիերին հմայք են հաղորդում տանիքի բաց կոնստրուկցիաներն ու հյուրասենյակում տեղակայված բուխարին:
Դիտել 1-ին հարկի հատակագիծը
Դիտել նկուղային հարկի հատակագիըծը

 

Կոդ 121
Դասականության ոճով վիլլան բաղկացած է ստորգետնյա և երկու վերգետնյա հարկերից, 370 մ2 ընդհանուր մակերեսով: Ֆունկցիոնալ տարանջատումը հորիզոնական է. առաջին հարկում գտնվում են խոհանոցը, ճաշասենյակը, հյուրասենյակն ու սանհանգույցը: Երկրորդ հարկում գտնվում են առանձին սանհանգույցներով երեք ննջասենյակներ, որոնցից յուրաքանչյուրն ունի ելք դեպի սեփական պատշգամբ:
Նկուղային հարկում գտնվում են պահեստային տարածքները, կաթսայատունն ու լողավազանի տեխնիկական տարածքը:
Ճաշասենյակից և հյուրասենյակից կան երեք ելքեր դեպի տերասսաներ: Վիլլայի համալիրն ընդգրկում է նաև լողավազան՝ տեղակայված տերասսաների հարևանությամբ: Հյուրասենյակում տեղակայված է բուխարի, իսկ սանդուղքը տեղակայված է երկու կողմից լուսավոր տարածության մեջ:
Սյուները, զարդարված նախասրահները, գիպսե զարդաճաղերը ստեղծում են դասականության ոճի վեհությունն:
Դիտել 1-ին հարկի հատակագիծը
Դիտել 2-րդ հարկի հատակագիծը
Դիտել կիսանկուղային հարկի հատակագիծը

Կոդ 114
Մեկ հարկանի տուն հայ-տեկ ոճով, 148 մ2 ընդհանուր մակերեսով: Ֆունկցիոնալ բաժանվում է երկու մասի. ընդհանուր օգտագործման գոտի՝ հյուրասենյակ, խոհանոց, սանհանգույց, հանդերձարան, և անհատական օգտագործման գոտի՝ երկու ննջասենյակ, սանհանգույց, լվացքատուն: Հիմնական ննջասենյակն ունի առանձին սանհանգույց և հանդերձասենյակ, ինչը նվիրում է հանգիստ և մեկուսացման հնարավորություն:
Յուրաքանչյուր ննջասենյակ ունի ելք դեպի ընդհանուր պատշգամբ: Ճաշասենյակի տարածությունը ստեղծում է կիսաբոլոր, որը բարելավում է տարածքի լուսավորությունը: Հյուրասենյակն ունի ելք դեպի տերասսա, որտեղ գտնվում է հանգստյան գոտին: Տանիքի հարթությունը ծածկ է ստեղծում ավտոմեքենայի կայանման տեղի վրա:
Տան ճակատային հատվածի ձևավորման համար տարբեր նյութերի՝ քարի, փայտի և գիպսի օգտագործումը, պարիսպներում ապակու կիրառումը, ինչպես նաև դռների պատուհանների գույները ստեղծում են գրաֆիկական և նորաոճ էքստերիեր:
Դիտել հատակագիծը

Կոդ 119
Մեկ հարկանի տուն մինիմալիստական ոճով, 100 մ2 ընդհանուր մակերեսով: Բաժանվում է երկու մասի. ընդհանուր գոտի, որտեղ գտնվում է խոհանոցը, ճաշասենյակը, հյուրասենյակն ու հանդերձասենյակը, և անհատական գոտի, որտեղ գտնվում է ննջասենյակը, սանհանգույցը, հիմնական ննջասենյակն՝ առանձին սանհանգույցով: Ննջասենյակներից և հյուրասենյակից կան ելքեր դեպի ընդհանուր տերասսա, որտեղ գտնվում են լողավազանն ու հանգստյան գոտին: Կա նաև պերգոլայով ծածկված տարածք ավտոկայանման համար:
Ճակատային հատվածների ձևավորումը, երկրաչափական ձևերի պարզությունը և ֆունկցիոնալությունը ցուցադրում են մինիմալիստական ոճի գլխավոր սկզբունքը՝ «ավելի քիչը նշանակում է ավելի շատ»:
Դիտել հատակագիծը

Arina - Komissarova
Arina Komissarova
  • +30 2310 591 431
  • constructions@grekodom.gr
Համաձայնեք գաղտնիության քաղաքականությանը