Աթոսը ամենայուրահատուկ հունական թերակղզիներից մեկն է և հանդիսանում է Խալկիդիկի թերակղզու մասը: Նրա տարածքում է գտնվում Սուրբ Աթոսի Ինքնավարվանական պետությունը: Ազատ այցելության և զբոսաշրջության համար հասանելի են միայն թերակղզու սկզբում գտնվող մի քանի հանգստյան գոտիներ՝ «Ուրանուպոլի», «Իերիսոս», «Նեա Ռոդա»:
Աթոսի կլիման մերձարևադարձային է՝չոր ու շոգ ամառներով և մեղմ ու անձրևոտ ձմեռներով: Թերակղզին օժտված է եզակի գեղեցկությամբ: Այն գրեթե ամբողջությամբ ծածկված է փարթամ անտառներով, այգիներով և թփուտներով: Ծովափի երկայնքով գտնվում են ավելի քան 20 հրվանդաններ և բազմաթիվ լողափեր՝ինչպես խնամված, այնպես էլ «վայրի»: Վանական պետության վրա է գտնվում 2033 մ բարձրությամբ հսկայական Աթոս լեռը: Թվում է, թե իր մարմարե գագաթով նա հասնում է մինչև երկինք, իսկ նրա լանջերի նսփռված են եղևնու փարթամ անտառներ, որոնք ստեղծում են բնության նկարած անհավանական պատկերներ:
Համաձայն լեգենդների՝ հունական տիրակալԿոնստանդիանոս Մեծը ցանկացել է Աթոսում կառուցել իր կայսրության նոր մայրաքաղաքը: Մարկ Եպիսկոպոսը եկել է նրա մոտ և պատմել այն մասին, որ Աթոսը ընտրվել և օրհնվել է Աստվածամոր կողմից: Լսելով այդ մասին՝ Արքան ոչ միայն հետ է կանգնել իր մտադրությունից, այլ նաև մայրաքաղաքի փոխարեն Աթոսում կառուցել է Սուրբ Աստվածամոր երեք տաճարները, որոնք կանգուն են մնացել միքանի հարյուրամյակ: Այժմ տարածքների մոտակայքում, որտեղ գտնվել են հանրահայտ տաճարները, գտնվում են գործող ուղղափառ եկեղեցիներ:
Աթոս թերակղզում մատչելի անշարժգույք կարելի է ձեռք բերել կուրորտային շրջաններից ոչ հեռու, մասնավորապես՝ամենից շատ օբյեկտներ տեղաբաշխված են թերակղզու ամենամեծ քաղաք և գլխավոր նավահանգիստ հանդիսացող Ուրանուպոլի քաղաքում:
Աթոսի զարմանահրաշ բնությունը, բազմազան ռելիեֆն ու բարենպաստ կլիման տրամադրում են մեկուսացած և անհոգ կյանքին: Այստեղ չկա զբոսաշրջիկների մեծ հոսք.նրանք հիմնականում գերադասում են Խալկիդիկի թերակղզու մյուս երկու «մատերը»՝Սիթոնիա և Կասսանդրա: Անշարժ գույքի և գաստրոնոմիայի գներն այստեղ նույնպես շատ ավելի ցածր են: Կյանքն Աթոս թերակղզում հարմար կլինի երեխաներով ընտանիքների համար, ինչպես նաև մարդկանց, ովքեր աղմկոտ երեկույթների և գիշերային կյանքի փոխարեն նախընտրում են հանգստությունն ու ռոմանտիկան:
Աթոսում գնման համար մատչելի են շատ հողատարածքներ: Շինարարության թույլտվություն ստանալը չի առաջացնի մեծ դժվարություններ: Վաճառվում են նաև մեծ քանակությամբ բնակարաններ, քոթեջներ, առանձնատներ և թաունհաուսներ՝թերակղզու տուրիստական կենտրոններից փոքր հեռավորության վրա և դեպի Էգեյան ծով հիասքանչ տեսարանով: Եթե Դուք հաշվարկում եք անշարժգույքի ձեռք բերման շահութաբերությունը, ապա Ձեզ կհետաքրքրի Աթոսի բիզնես-առաջարկները , որոնք են ռեստորանների և սրճարանների համար նախատեսված անշարժ գույքը ,ինչպես նաև արդեն գործող հյուրանոցային համալիրները և շքեղ բնակարանները:
