Հունաստանում անշարժ գույքի ձևակերպման համար անհրաժեշտ փաստաթղթերը

Հունաստանում անշարժ գույքի գնման և ձևակերպման գործընթացը պարզ է և արագ: Ներկայումս 10 աշխատանքային օրվա ընթացքում կարելի է դառնալ հունական անշարժ գույքի լիիրավ սեփականատեր: Դուք, միգուցե, այլ կարծիք եք լսել այս հարցի շուրջ, և այն անհիմն չէ, սակայն դա այլևս արդիական չէ. մինչև 2011 թվականի հունիս ամիսը գործում էր սահմանամերձ տարածքների մասին օրենքը, և այնտեղ տեղակայված անշարժ գույքի օբյեկտների ձեռք բերման համար պահանջվում էր թույլտվություն՝ տրված Հունաստանի Պաշտպանության նախարարության կողմից, որի արդյունքում գնորդները ստիպված էին լինում սպասել գործարքի ավարտին մի քանի ամիս և պատրաստել մեծ քանակությամբ փաստաթղթեր: Ներկայումս գործընթացը պարզեցվել է, և 10 աշխատանքային օրվա ընթացքում կարելի է ավարտել անշարժ գույքի ձեռք բերման ձևակերպման բոլոր աշխատանքները: Իսկ փաստաթղթերի փաթեթը կրճատվել է մինչև նվազագույնի:

Անշարժ գույքի ձևակերպման համար անհրաժեշտ փաստաթղթերի ցանկը.
վավերական արտասահմանյան անձնագիր,
վավերական վիզը, որը թույլ է տալիս մուտք գործել Հունաստան,
մշտական բնակության վայրը հավաստող փաստաթուղթ (բնակության երկրի ներքին անձնագիր),
տեղեկանք աշխատանքի վայրից (պաշտոնական փաստաթուղթ, որը հավաստում է հնարավոր գնորդի հիմնական մասնագիտական գործունեությունը, որի տեսակը նշանակություն չունի),
հարկային հայտարարագրի պատճենը (կամ ֆիզիկական անձանց եկամուտների մասին տեղեկանք) կամ եկամուտների վերաբերյալ ցանկացած այլ տեղեկանք (աշխատավարձի մասին տեղեկանք, բանկային հաշվի վերաբերյալ տեղեկանք): Գումարը, որը նշված է որպես եկամուտ, կարող է ընդհանրապես չհարաբերակցվել ընտրված անշարժ գույքի օբյեկտի գնին: Վերոնշյալ փաստաթուղթն անհրաժեշտ է հունական բանկում հաշվի ձևակերպման համար:

Բաժանորդագրվել նամակագրությանը